Manifeste affirmant le caractère un et divers de la langue d'Oc

Dempuei 40 o 50 ans que lo movement occitanista existis , e malgrat l'engatjament e lo trabalh remirable de mantuns militants e militantas sinceres e desinteressats , nos aurà pas escapat qu'es malurosament un fracàs terrible : disparicion de la lenga e indiferençia casi totala de la populacion .

Amb aquel resultat - e quin resultat ! - coma podèm de contunh pensar qu'avèm totjorn rason , coma podèm negar l'existencia d'autres movements , coma podèm pas dubrir los uelhs e nos demandar que se i a d'autres movements anti-occitanistas es benlèu perque avèm pas estat capables de capitar , coma podèm contuhnar de refusar lo dialòg en emplegar mai d'un còp de prepaus desagradius , coma podèm pas veire que non van pas desaparèisse deman e seran presents de segur longa mai !

Es vengut lo moment de botar las rancurs al riu e las ideologias dins lo placard ... per la lenga.